اية ياجماعة فى اية..؟؟
إية حكاية الاضراب دى اللى فى كل حتة؟؟!
امبارح بتفرج على( برنامج 90 دقيقة)..
وزى مايكون مصر كلها عاملة اضراب
اللى مش عارفة موظفين فى الازهر عاملين اضراب
ولا الصحفين برضو عاملين اضراب اللى بيشتغلوا فى المسائية..
ولا المهندسين
هو فى اية
آل اية عاملين اضراب عن الطعام
هو انتوا لما تعملوا اضراب عن الطعام..الحكومة هاتعبركوا..؟؟
ماهى هاتقول ان شاالله عنهم ماكلوا..
ماهو حق اذاكان هى مش بتدينا حقوقنا..هاتعبرهم لما مش ياكلوا
طب اعملوا اضراب على حاجة تخصها..
حاجة غريبة والله..
هناك 17 تعليقًا:
الله
انا اول تعليق
معقووول ؟
جاتلى الفرصة يانااااس وبقيت صحبة اول كونتايه لا انا هروح واجى تانى اعمل كومنت جديد غير كومنت الفرحة باول تعليق ده
ممممممممممموه حتى اعود
تانى تانى تانى ياناس
اولا المدونة دى حلوة اوى
كانت تايهم عنى فين بس ؟؟
خلاص انا حجزت صف اول هوووون
ثانيا : الاض راب يابنوته هو اه مش هيودى ولا هيجيب الايام دى بس الافلام العربى عشان نقلت صور للاضراب اثرت فى الحكومة زمان
وشعبنا غلبان
فبيتخيلو انهم لو اضربو الحكومات هتوصل لنفس النتايج
وقال ايه ؟
انها يعنى وسيلة ضغط
مع انهم ما بياخدوش منها غير تعذيب نفسهم عالفاضى
وتقبلىىىىىى مرورى
أميـــرة
:)
(ملكة بحجابى )
ما باليد حيلة
هو ده اللى الناس تقدر عليه أحسن ما يفضلوا ساكتين
اولا ملكة
نورتى ياقمر...
وانا يشرفنى انك تكونى اوول واحدة فى التعليق هنا..
نوتى ياجميل
هاروح بقى ارد عليكى تانى
ثانيا يااميرة
وسيلة ضغط..؟؟
طيب ماهى برضو مش هاتجيب
ابن الخطاب منور مدونتى...
بس بدل مايجهدوا نفسهم مايقوموا بحاجة مفيدة
يعمروا بيها بلدهم ..او مظاهرة حتة
بس بجد
مش ألم 20 30 واحد واقول مظاهرة..؟؟
اظن ان الاضراب فائده للحكومه
على الاقل الشعب بيوفر فلوس
هههههههههههههه
صح...
بس على فكرة برضو
هما ممكن يكونوا ده بيضغط ع الحكومة نوعا ما..
بس مش اووى يعنى
نحن فى انتظارك دوما
البداية بدات اليوم
ونتمنا نشر لينك هذه المدونة بين كل اصدقائك
وتقوم بوضع لينك المدونة على قائمة المدونات بمدونتك للتواصل الدائم
مع تحياتنا
آفشنا حرامى
السلام عليكم
ازيك يابنوته
بصى يا ستى الإضراب وسيلة ضغط على الحكومه وده شئ اجبارى انهم ينفزوا وخصوصا الإضراب عن الطعام وده لأنه بيكون طريقه للتعبير عن الإعتراض على الوضع الحالى والضغط مش بيجى عن طريق المضربين انما بيجى لو هما دخلوا معاهم منظامات حقوقيه مثل حقوق الإنسان ومنظمة الصحه العالميه لأن فى الوقت ده لو الحكومه مش تدخلت وحلت مشكلتهم كافة المنظمات الحقوقيه بترفع على هذه الحكومه قضيه دوليه ولو كسبوا القضيه اما الحكومه تعزل او تقال وان لم تستجيب الدوله للقضاء الدولى بالتالى فإنها تخسر مقعدها فى هيئة الأمم المتحده ويمنع عنها المعونات وتطالب بسد المديونيات
عرفتى بقا ان الإضراب له فايده كبيره وبيكون وسيلة ضغط :)
وعلى فكره معظم اللى بيضربوا مش بيكونوا عارفين الكلام ده هما بيضربوا وفاكرين انهم هما اللى بيضغطوا على الحكومه ومش يعرفوا اللفه دى كلها
واسف للإطاله ولكن رغبت فى التوضيح
لكى كل التحيه
لالا لا اطالة ولا حاجة
انا كدة فهمت
هههههههه
مدونة جميلة جدا
برغم صغر سنك
وان شاء الله هضفها عندي
وهزورك كتير..
بالنسبة للاضراب عامة ..
هو تحرك شعبي ضروري ..
وبيدل عن ان في لسة ناس عايشة
وبتقول لاء للظلم ومش سالبيين
ومش بيقولوا وانا مالي ..
وزي ماقال حبيبنا المصطفي
أفضل الجهاد كلمة حق عند سلطان جائر
ودي وسيلة كلمة حق بنقولها بصوت عالي
حتي لو مفيش نتائج
لاننا احنا علينا العمل والنتيجه علي الله
يارب اكون وضحت الصورة
واتمني تشرفيني في مدونتي
ايوة فهمت فعلا اية لزمتوا
واضح انى فعلا سنى صغير ومش مدركة حقيقة الامور
بس كان قصدى انهم بيأزوا نفسهم وبس من قلة الطعام..
تصدقينى لو قولتلك انتى بجد بروفسير بجد لو كل بنات الدنيا زيك والله يا بنوتة لكانت الدنيا تبقى حاجة تانية بجد برافو عليكى انتى اصلا بنوتة تجنن وروعة ربنا يوفقك بجد والموضوع حلو قوى يا بنوتة بس اوعى نتحبس اوكى.........// D //
ازيك يا بنوتة
بصى هو الاضراب ممكن يكون هيعمل حاجة او ميعملش
بس اديهم بيعملوا اللى يقدروا عليه بدل ما يقفوا ساكتين
شكرا دودو دايما مكيفانى كدة
طيب يمانوش اهم مش سكتوا..واتكلموا وعملوا اضراب
طب الحكومة عملت اية..؟؟
إرسال تعليق