اية اللى انا شايفاه فى الشارع ده..؟؟

السلام عليكم

بدون مقدمات ولا اى حاجة

بكل بساطة بسأل..

اية اللى انا شايفاه فى الشارع ده..؟؟

البلد زحمة خبط

اية فى اية.؟!!!!

هو ده شهر الاكل ولا اية؟؟

مانعقل شووية ياجدعان

اول يوم رمضان الجوامع تبقى مقفلة ناااااااااس

وتانى يوم على ده الحال

ولازم بقى الاكلات الضخمة والمحاشى و و و

ايييييييييييييييييييييية؟؟؟؟؟؟؟؟؟

ونيجى فى نص رمضان نقضيها كشرى

وفول

وتسليكة بقى

وتكون الجوامع قلت..

طبعا ماهو خلاص بقى

كانت لذة وراحت لحالها

لا

رمضان عمره ماكان بالشكل ده ولا هو شهر لده ولا ينفع يكون لكدة اصلا

اية فى اية؟؟

نفووق شووية بقى

انا مش كنت عارفة امشى من كُتر الناس

وجايبين أكل بقى

ومية مية

ومش معانا فلوس ها

والحكومة وعاملة فينا اه يانى اه

مش كدة..؟؟

هو الشعب المصرى كدة

طول عمره غير منظم فى حياته وبتغره أووى المظاهر

يلا

كنت مدايقة اووى النهاردة منهم وكان نفسى ازعق فى الشارع

عالله نعقل

وكل سنة وانتوا بخير

وربنا يهدى

التخطيط الشيطانى فى رمضان..واللى بيحصل فى رمضان..

بسم الله الرحمن الرحيم
والصلاة والسلام على سيد البشر
مُحمد((صلى الله عليه وسلم))
خلاص هانت ورمضان على الابواب ومش باقى الا القليل
لازم بقى نستعد
أنا متأكدة دلوقتى إن مؤكد فى ناس إستعدت
وبتعمل دلوقتى لرمضان
مش بقول الكلام ده عشان رمضان جاى وبعد مايخلص ننسى اللى عاملاناه
لا والله
ولكن هو مجرد انتهاز الفرصة مش أكتر
يعنى فرضة للتغير..
فرصة للأصلاح..
فرصة للحب..
فرصة للتسامح..
الشهر المبارك ده فى فرض كتير زى ماإحنا عارفين
بس فى تعليق صغير:
*..المسلسلات..*
المسلسلات ماهى الا تخيطيط شيطانى من أصحاب العقول الفاسدة
((النجوم يعنى))
و...مسلسلاتك عندنا وإسأل مجرب من رمضان اللى فات..
اية ده..!!
ويقولك سلى صيامك..!
هو صيامك ده واحد صاحبك هاتسليه..؟
خلاص ابقى هاتلك حبة لب على شوية سودانى واهو نتسلى عمّا المغرب يأذن
بالذمة ده كلام..؟؟
تعالوا ننسى المسلسلات دى خالص
نسيبنا منها
والله مابتأكل عيش
والله سيئات ع الفاضى
بالذات فى رمضان
احنا لسة بنقول فرصة..
يبقى نمشى كلامنا
يعنى نغتنم منه كل الخير
نسبح كتيييييييييير
نستغفر كتيييييييير
والقرآن طبعا لازم يتختم..
دى حاجة أكيدة
حاجة كمان((تعليق آخر)) ..صُغير برضو..
بنلاحظ بعض المطربين أى كان مين هما
بيعملوا اغانى اسلامية عشان رمضان يعنى وكدة
بذمتك بتتأثر بيها
أكيد لأ
عارف لية..؟
لأنك عارف إن اللى بيغنيها ده مابيعملش بيها اصلا
وإنك قبل كدة شوفته فى مناظر ومواقف تانية
فامش عارف تتقبل منه النصيحة أو الكلمات
ممكن تكون احيانا الاغنية مؤثرة شوية
بس بمجرد ماتخلص بتنسى اللى انت حسيته
مش كدة؟؟
عشان كدة الاناشيد جميلة جداا
جرب كدة تسمع مشارى راشد العفاسى
الصوت راقى والكلمات تحفة
فى نفس الوقت بقايا الاحساس اللى بتحسه فى الانشودة
بيفضل معاك..
فكل الحكاية إن فى حاجات كدة بتبقى زى ماقولنا تخطيط شيطانى
يعقدوا يخطاطولك عشان يخربوا عليك بأى طريقة
وإنت ولا حاسس
ويحاولوا يفسدوا عليك الشهر الحلو ده بأفعالهم
وهما بياخدوا فلوس وخلاص
وإنت ياعينى بتضيع عليك حسنات كتيرة
مش كدة
عالعموم فكّروا وقرروا
وكل عام وأنتم بخير
واللهم بلغنا وأدركنا رمضان

ويلا كلنا نقول
أهلا أهلا يارمضان

تعالوا نحب بعض

..تعالوا نحب بعض..

صلى كدة على (سيد البشر)

عليه الصلاة والسلام..

ماتيجوا نحب بعض

ماتيجوا نصالح بعض

ماتيجوا نريح بعض

عارفين معنى كلمة راااااااااحة..؟

عارفين اية معنى الحب بين الناس

تخيل كدة وانت شايف الناس بتحب بعضها

وبتساعد بعضها

تعالوا نحب بعض

ياجماعة رمضان جاى خلاص

تعالوا نسيب الكُره شوية

تعالوا نسيب الحقد شوية

نسيب الغيرة

نسيب الضعف

خلونا اقوياء ولو مرة

أقوياء بالدين

يلا ياجماعة

مش جايز يكون آخر رمضان فى حياتنا

تعالوا نصالح بعض

والمتخاصمين يتصالحوا

والمتعاتبين يتصافوا

والزعلانين ينسوا

تعالوا نسامح ياجماعة

والله التسامح حلو

والله الحب جميل

بس عايز حد يحب بإخلاص

والله القوة حلوة

بس فى طاعة ربنا

مش فى الحقد والفتنة و و و

يلا ننسى

ونعيش من دلوقتى

ونستعد لرمضان..

ونقرب شوية من ربنا

وندعى

ونفتكر بعض

والله الموضوع سهل

بس ننسى

المهم ننسى

من نعم ربنا علينا النسيان

دى حاجة حلوووة اوووى

بس يلا ننسى

ننسى الماضى والخصام

ننسى الجروح والآم

يلا بقى

نهدى شوية

ونصالح بعض..

ونحب بعض..

وكله فى الاخر لربنا
وماحدش واخد منها حاجة

وهى مش باقية لحد

ايوة احنا ضيوف فيها

خلينا نطلع منها بسلام

الدنيا

الدنيا ياجماعة..

جايز تكون حلوة..!

بس عايزة اللى يتغلب عليها عشان يحس بجد انها حلوة..

ها

قولتوا اية..؟؟

يلا نحاول

جاااااااااااااااااااايز

جايز ننجح

وتعالوا نحب بعض

وصلى على حبيبك

((عليه أفضل الصلاة والسلام))

انا قولت افضفض شووية

السادات ومعاهدة السلام..

السلام عليكم....

فى موضوع خطر ببالى وقررت إن أتناقش معاكم فيه..

وهو معاهدة السلام بين السادات واسرائيل(كامب ديفيد) سنة 79 ..

كثير منا رفض التطبيع مع اسرائيل..رفض اننا نسالم مع اسرائيل..

بس احنا مش فكرنا فى الفايدة بكدة.. فعلا السادات سبق التاريخ والعصر وبذكاؤه وعمل المعاهدة

اعرف ان كدة ممكن يكون حرام واو غير مهم او مش هايرضى بيه بيه الشعب لان اليهود دول خونا..

بس ليها فايدة دلوقتى ان اسرائيل مدخلتش ولا ضربت مصر من بعد المعاهدة..

وان الدول العربية كلها اتقلبت ع السادات ورفضت وقاطعته والناس خاصموه

بالرغم ان هو عمل حاجات جميلة فى عهده

زى مثلا..

-فك قيد الصحافة

-الغى المعتقلات

-وحل مشكلة البطالة

-وأرضى الشعب بكل مايملك

و ساعة المعاهدة كله قاطعه..

وأشك ان سبب إغتياله هى المعاهدة..

بس ده كان كويس

لان دلوقتى الدول العربية بتشحت وبتتحايل وبتتذلل عشان امريكا واليهود يوافقوا يعملوا معاهم معاهدة سلام

عشان يبطّلوا ضرب فى فلسطين..

وطبعا هما مش راضين

بس لو إستمرينا فى هموم العصر ده ومشاكل الزمن والاحوال اللى احنا فيها وتفرق الوطن العربى

بالتأكيد اسرائيل هاتدخل مصر لان حتى العلم بتاعها..بيدل على ان من النيل الى الفرات

الخطين اللى لونهم ازرق دول بيدلوا على كدة..

ففعلا السادات قراره كان صح وفعلى كان أصح..عالاقل دلوقتى ..

بس الشعب مرضيش وزعل ورفض المعاهدة

وقال انها اضاعت نصر اكتوبر عام 1973

فأتمنى انى اعرف رأيكوووا...

آل اية عاملين اضراب..

اية ياجماعة فى اية..؟؟

إية حكاية الاضراب دى اللى فى كل حتة؟؟!

امبارح بتفرج على( برنامج 90 دقيقة)..

وزى مايكون مصر كلها عاملة اضراب

اللى مش عارفة موظفين فى الازهر عاملين اضراب

ولا الصحفين برضو عاملين اضراب اللى بيشتغلوا فى المسائية..

ولا المهندسين

هو فى اية

آل اية عاملين اضراب عن الطعام

هو انتوا لما تعملوا اضراب عن الطعام..الحكومة هاتعبركوا..؟؟

ماهى هاتقول ان شاالله عنهم ماكلوا..

ماهو حق اذاكان هى مش بتدينا حقوقنا..هاتعبرهم لما مش ياكلوا

طب اعملوا اضراب على حاجة تخصها..

حاجة غريبة والله..

أحيانا تكون الحياة قاســـية..

أحيانا تكونُ الحياة قاسية..
لا بل دآئما تكون قاسية
وأُناسها هم الاقسى
..الحياة هى الدنيــــا
والدنيـــا قاسية
الدنيــا ليست جميلة كما يعتقد البعض..
وإلا لما ذكرها الله فى كتابه بالبعد عنها وعن شهواتها..
أليس كذلك..؟!
..نحنُ نمثل هذه الدنيـــا..
فنحنُ الدنيــا ونحنُ مشاكلها
والزمن ليس بسوء لنا..بل نحنُ من أسأنا إليه..!
نعم..أسأنا إليه بأفعالنــا
وبأعمالنـــا
وبشهواتنـــا
وبجشعنـــا
ولكن نسينا أن نكرمه بأخلاقنا..!!
ولكن..
أين هى هذه الاخلاق؟
لقد ضاعت الاخلاق
وضـاع الاحساس
وضاعت الطيبة
وضـاع الحب
..وقبل هذا كله..ضــاع الانسان..!
يحسبُ انسان هذه الدنيــا أنه على حق!
ولكن هذا ظنه..
قد يكون على حق..ولكنّ الارجح أنه على خطأ..
قد تكون الدنيــا حُلوة
ولكن تحتاجُ لمن يعيشُها بحلاوة..
وبأخـلاق..
وبطيبــة..
وبحــب..
فهل من أُناس يتمتعونَ بهذا..؟؟!

حينما أنطق بإسمـــهـا...

حينما أنطق بإسمها..فإن قلبى يشعر بسعادة بالغة..
وأفتخر بأننى منها..
ليس العيب عليها ولا اللوم لها..
ولكن أُناسها من يعيشون بجشع.!
ليس كلهم ولكن كما يقولون((للأغلبية))..!
حينما أذكر عيوبها ومشاكلها فهذا لا يدل على كُرهى لها..
لا
بل أنا أحبها..أحبها الحب حتى الموت..
أحبها حبا شديداً..ولكن من خوفى عليها ومن شعورى بإنتمائها
أريد أن أخلصها من كل هذه المشاكل
وهذا بالطبع مستحيـــل..!!
..من كثرة مشاكلها ومشاكل أُناسها أذكر عيوبها
وذلك من أجـل حلهـا
ولكن ليست عيوبها..بل عيوب البشر التى تعيشُ فيها.!
أمّا هى ..فشئٌ آخر
هى حُلم تمنيتُ أن أكون بطلة فيه..
ليست أشعاراً ولا شعارات
ولكن هذا من نبع قلبى..
لو طلبوا روحى أفديهــا..
..ولوا طلبوا عقلى أعطيهــا..
ولو طلبوا قلبى أقسمه نصفين من أجـل حبــها
حقـا..أتمنى أن أموت شهيدة فى سبيلهـا..
فى سبيـل الله
والوطــن
هى مِصر..
أم الدنيا كما يقولون..
مهما كثُرت مشاكلها..فمكانتها كما هى فى قلبى بل تزيد.!
وأفتخر بقول..
أنـــا مصريـة
نعم مصريــة 100%

MaSrYa

عنــــدما يتولد فى القلـــب انتقــــام..!

...عنـدما يتولد فى القلـب انتقـام...
فإنه يعانى انكسـار شـديدا..
يصبـح قاسـى
عنـيـد
خبـيـث
غير آمـين..
هذا هـو الانتـقام الحقيـقى..
لان القلـب عنـدما يحـب..فإنه يحـب حبـا شـديدااا
وعنـدما يُجـرح..فإنه يكـره الـذى يحـبه كـره الكـره..!
هكـذا عنـدما يُجـرح..
فالإنسـان لايملك شيـئا ثمينا غـير قلـبه..
فجـرح القلـبِ كضـرب السيـف..
نعم كضـربِ السيـف فى العنـق..
إن العقـل لا يسـوى شيـئا للإنسـان سـوى للمـصالح..
ولكن القلـب يسـوى له كثـيرا..
فهـو كـل كيـانه..!
بيـده يحـب..
وبيـده يكـره..
وبيـده ايضـا يُجـرح..!!
..,..فهـكذا يتولـد فى القلـبِ انتقـام..!
!!!