20‏/8‏/2009

اية اللى انا شايفاه فى الشارع ده..؟؟


السلام عليكم

بدون مقدمات ولا اى حاجة

بكل بساطة بسأل..

اية اللى انا شايفاه فى الشارع ده..؟؟

البلد زحمة خبط

اية فى اية.؟!!!!

هو ده شهر الاكل ولا اية؟؟

مانعقل شووية ياجدعان

اول يوم رمضان الجوامع تبقى مقفلة ناااااااااس

وتانى يوم على ده الحال

ولازم بقى الاكلات الضخمة والمحاشى و و و

ايييييييييييييييييييييية؟؟؟؟؟؟؟؟؟

ونيجى فى نص رمضان نقضيها كشرى

وفول

وتسليكة بقى

وتكون الجوامع قلت..

طبعا ماهو خلاص بقى

كانت لذة وراحت لحالها

لا

رمضان عمره ماكان بالشكل ده ولا هو شهر لده ولا ينفع يكون لكدة اصلا

اية فى اية؟؟

نفووق شووية بقى

انا مش كنت عارفة امشى من كُتر الناس

وجايبين أكل بقى

ومية مية

ومش معانا فلوس ها

والحكومة وعاملة فينا اه يانى اه

مش كدة..؟؟

هو الشعب المصرى كدة

طول عمره غير منظم فى حياته وبتغره أووى المظاهر

يلا

كنت مدايقة اووى النهاردة منهم وكان نفسى ازعق فى الشارع

عالله نعقل

وكل سنة وانتوا بخير

وربنا يهدى

هناك 16 تعليقًا:

شرقيّةُ الهوَى يقول...

وكل سنه وانتى طيبه
هيه فعلا حاجه تدايق
بس مش فى داعى للنرفزه دى كلها
وفعلاسبحان الله الناس وبالاخص المصريين بيتعاملوا مع شهر رمضان ده معامله غريبه على انه شهر الاكل والتسابق فى اللى هايقدر يشرب اكبر عدد سجاير بعد الفطارووووو حاجه تقرف

غير معرف يقول...

ههههههههه كل سنة وانت طيب ياقمر خليها عليكى انتى الكبيرة على الحقيقة البلد فظيعة انا اصلا بخاف انزل فى رمضان بس معلشى خلى المصريين يفرحوا هتعملى ايه يعنى هما بقى ليهم عادات وتقاليد بتحصل كل سنة انت العاقل ياباشا ههههه ربنا يهديكى يانورا مش بتسيبى حاجة الا لما تكتبى عليها انسانة شديدة بس بجد كلامك جميل وانا بحب المدونة بتاعتك اووووى كل يوم بفتحها تقريبا وياستى طنشى كفاية ان يكون فى واحدة عاقلة وعارفة الغلط والصح زيك ههههههههه يلا ويارب يكون شهر الخير عليكى واشوفك دايما فى سعادة وكل سنة وانتى طيبة مرة تانية (دعاء)

غير معرف يقول...

ههههههههه كل سنة وانت طيب ياقمر خليها عليكى انتى الكبيرة على الحقيقة البلد فظيعة انا اصلا بخاف انزل فى رمضان بس معلشى خلى المصريين يفرحوا هتعملى ايه يعنى هما بقى ليهم عادات وتقاليد بتحصل كل سنة انت العاقل ياباشا ههههه ربنا يهديكى يانورا مش بتسيبى حاجة الا لما تكتبى عليها انسانة شديدة بس بجد كلامك جميل وانا بحب المدونة بتاعتك اووووى كل يوم بفتحها تقريبا وياستى طنشى كفاية ان يكون فى واحدة عاقلة وعارفة الغلط والصح زيك ههههههههه يلا ويارب يكون شهر الخير عليكى واشوفك دايما فى سعادة وكل سنة وانتى طيبة مرة تانية (دعاء)

غير معرف يقول...

معلشى يانورا وانا بعمل التعليق عملتة مرتين شوفتى رمضان بيأثر عليا من دلوقتى انا اسفة ياستى

صوت من مصر يقول...

كل سنه وانتى طيبه
وخلى بالك الزحمه دى من بركه الشهر

Nora 7wades يقول...

((حواديت بنووتة ))

منورانى دايما ياقمر..وعلى رايك شعب مية مية

Nora 7wades يقول...

((دعاء))
على رايك هانعمل اية
وبعدين انشائ الله تكتى عشروميت رد
براحتك ياجميل

Nora 7wades يقول...

((صوت من مصر))
وانت طيب ياجميل

بس الزحمة ع الاكل منظرها حلوو اووى

MaNoO يقول...

مع انى ممكن اضايق من حاجة زى جدا بس عارفة ببقى مبسوط برده وبنبسط اكتر لما بعد كل دا تلاقى الناس تقولك حتى اللى مش مصريين يقولوا ان رمضان فى مصر حاجة تانية بزحمته بصلاته ببا غنوجه بكل حاجة فيه اهم حاجة اننا نلتزم بالمساجد والاخلاق اللى بتتغيير عند بعض الناس نلتزم بيهاطول السنة والعمر كله يارب

Nora 7wades يقول...

كل سنة وانت طيب مانوا

اقصوصه يقول...

فعلا للاسف رمضان عند المسلمين

مرتبط بالطعااااااام

وكانه شهر الطعام مش شهر الصيام!!

رمضان كريم :)

غير معرف يقول...

ههههههههههه

ماشى

انا مش مصدق انه انتى

*.....*

Nora 7wades يقول...

((اقصوصة))
الله اكرم ياجميلة
كل سنة وانتى طيبة

Nora 7wades يقول...

*.....*

انى اية بالظبط
طب مش اعرف مين اللى بيتكلم؟؟

جوجو يقول...

السلام عليكم

كل سنة وانتى طيبة

match online free forever يقول...

ولا يهمك .. شويه شويه وتبقى زحمة أكثر ..
بس هو تنظيم مجتمعي وثقافة عامة ..

وكل سنة وانتي بخير يارب