..تعالوا نحب بعض..
صلى كدة على (سيد البشر)
عليه الصلاة والسلام..
ماتيجوا نحب بعض
ماتيجوا نصالح بعض
ماتيجوا نريح بعض
عارفين معنى كلمة راااااااااحة..؟
عارفين اية معنى الحب بين الناس
تخيل كدة وانت شايف الناس بتحب بعضها
وبتساعد بعضها
تعالوا نحب بعض
ياجماعة رمضان جاى خلاص
تعالوا نسيب الكُره شوية
تعالوا نسيب الحقد شوية
نسيب الغيرة
نسيب الضعف
خلونا اقوياء ولو مرة
أقوياء بالدين
يلا ياجماعة
مش جايز يكون آخر رمضان فى حياتنا
تعالوا نصالح بعض
والمتخاصمين يتصالحوا
والمتعاتبين يتصافوا
والزعلانين ينسوا
تعالوا نسامح ياجماعة
والله التسامح حلو
والله الحب جميل
بس عايز حد يحب بإخلاص
والله القوة حلوة
بس فى طاعة ربنا
مش فى الحقد والفتنة و و و
يلا ننسى
ونعيش من دلوقتى
ونستعد لرمضان..
ونقرب شوية من ربنا
وندعى
ونفتكر بعض
والله الموضوع سهل
بس ننسى
المهم ننسى
من نعم ربنا علينا النسيان
دى حاجة حلوووة اوووى
بس يلا ننسى
ننسى الماضى والخصام
ننسى الجروح والآم
يلا بقى
نهدى شوية
ونصالح بعض..
ونحب بعض..
وكله فى الاخر لربنا
وماحدش واخد منها حاجة
وهى مش باقية لحد
ايوة احنا ضيوف فيها
خلينا نطلع منها بسلام
الدنيا
الدنيا ياجماعة..
جايز تكون حلوة..!
بس عايزة اللى يتغلب عليها عشان يحس بجد انها حلوة..
ها
قولتوا اية..؟؟
يلا نحاول
جاااااااااااااااااااايز
جايز ننجح
وتعالوا نحب بعض
وصلى على حبيبك
((عليه أفضل الصلاة والسلام))
انا قولت افضفض شووية
هناك 20 تعليقًا:
عندك حق
الإسلام دين التسامح
وأول ما فعله الرسول صلى الله عليه وسلم بعد الهجره أنه أخى بين المهاجرين والأنصار وكما ذكرت لنجعل رمضان انطلاقتنا عله يكون أخر رمضان لنا
على جنب تانى خالص يبقى عبيط اللى يكره بنوته زى العسل وقلبها صافى زيك
الله عليكى يابنوتة التسامح والنسيان اجمل حاجة فى الدنيا وخصوصا فى الصداقة حب الصداقة دة اجمل حب فى الدنيا وخصوصا كمان ما يكون التسامح فى شهر رمضان اجمل شهور ربنا شهر الخير والتسامح شهر يرتفع فيه الدرجات
شهر عظيم .. شهر جميل
شهر يشعر المسلم بالفرحه
شهر رومضان الكريم...يارب تكون كل الناس بتفكر زيك فى التسامح والخير ونسيان الخصام//D//
بن الخطاب
شكرا ياجميل
وصح ديننا دين تسااااااااااااااامح
\\d\\
دايما رافعة معنويااتى...
يلا نسامح وننسى امبارح زى مابيقولوا
الله يبارك فيكي يارب
فعلا دين الاسلام هو دين التسامح
ولو تسامحنا ومفيش حد ساب حاجة في قلبه
هنعيش في حب وسلام
وهلا هيكون في حسد ولا بغضاء
وانا مسامح كل مسلم ومسلمة زعلت منهم
جزاك الله خيرا يابنوتة
هعزف لنفسى
منووور المدونة
حلوة حكاية التسامح دي بس أحيانا لا يمكن تسامحي إنسان يصر على ظلم كل من تضعه اقداره في طريقه ودي نوعيات حقيرة جداً للأسف لو ركزتي هتلاقي بعضهم جالس على كراسي الحكم في أغلب الدول العربية المبتلاه بصنف غريب من البشر لا يمكن أن يسامحهم شعوبهم على جرائمهم التي لا يحصيها سوى الله
تقبل مروري على مدونتك
حسام عامر
منوور طبعا
حكاية ظلم الحكم والحكام دى على جمب تااانى خاااالص
انا بتكلم علينا احنا كشعب حر نسامح بعض
وننسى الجروح شووية
فضفضه جميله
ومريحه للنفس :)
فعلا التسامح حاجه حلوه خالص
والاسلام دينا هوه دين التسامح
وكل الاديان بتدعوا الى التسامح
وبالمناسبه عن موضوع التسامح كان فى حكايه
مره الرسول عليه الصلاه والسلام قاعد فى المسجد هوه والصحابه ففجاه قلهم والله ليدخل علينا الان رجل من اهل الجنه وفعلا دخل رجل وبعدما انصرف كان الصحابه فى حالة دهشه
لان هذا الرجل ما كان يخرج للجهاد وكان رجل عادى واقل من الصحابه بكتير
فمسى وراه واحد من الصحابه وساله انتى بتقضى يومك ازاى وكده فحكالوا وقالوا على حاجات عاديه اى حد بيعملها فقالوا امال انت ازاى الرسول قال انك من اهل الجنه وانا بعمل حاجات وخيرات اكتر منك قالو والله ماعرف كل اللى اعرفه انى بنام على المخده مش شايل فى نفسى حاجه من حد ومسامح كل الناس
ففعلا التسامح حاجه جميله
تسلمى على الموضوع الجميل ده
اقصوصة منوورة ياجميلة
حواديت بنووتة..
نورتى
والقصة جمييييييييييييييلة جدا
وربنا يجعلنا جميعا من اهل الجنة
دعوة في غاية الروعة وخصووصاً التوقيت بتاعها .....
ربنا يبارك فيكي وجزاك الله خيراً
تحياتي العاطرة
عليه الصلاة والسلام
اوك برافو ومستنى زيارتك
مين اللى قال انى بكره
بس الدعوه للناس اجمل من اى دعوه بجد
((ويبقى الامل))
نورتينى اول مرة
((صدفة جميلة))
من عينى
((صوت من مصر))
محدش قال انك بتكره
بس ده مينمنعش اننا فى شوية حقد جوانا اتجاه الاخرين
تصدقى عمرى ما كنت حقود
بس لعلمك انا كنت بقول بهزار
خدى الموقف كانه عادى جدا
وعموما هقولها تانى دعوه جميله وفوق الوصف
كل سنه وانتى طيبه
((صوت من مصر))
كل سنة وانت طيب
إرسال تعليق